सांगलीतील जत तालुक्यातील उमदी मध्ये सराफाच्या झालेल्या जबरी चोरीचा 24 तासात छडा लावण्यात पोलिसांना यश आले असून तब्बल अडीच कोटी रुपयांची रक्कम सांगली पोलिसांनी जप्त केलीये. परंतु फिर्यादी यांनी फिर्यादीत दिलेली रक्कम आणि प्रत्यक्षात जप्त केलेले रक्कम यामध्ये मोठी तपावत असल्याने पोलीस देखील चक्रावून गेलेत. आता याचा सांगली पोलीस आणि आयकर विभागा कडून देखील तपास केला जाणारेय.
सांगलीतील जत तालुक्यातील उमदी येथील सराफ व्यावसायिक अनिल अशोक कोडग हे कर्नाटकातील विजयपूर कडे निघाले असता त्यांना सात संशयतांनी त्यांच्या आडवी गाडी मारून त्यानंतर त्यांना अडवून त्यांना रोडने मारहाण करून गंभीर जखमी करून लूटमार केली होती. याप्रकरणी त्यांनी रोकड, मोबाईल आणि सोन्याची अंगठी असा तीन लाख रुपयांचा मुद्देमाल चोरीस गेल्या बाबत उमदी पोलीस ठाण्यात फिर्याद दिली होती. या जबरी चोरीची माहिती मिळताच सांगली पोलीस अधीक्षक संदीप घुगे आणि अप्पर पोलीस अधीक्षक रितू खोकर यांनी तपासाच्या सूचना दिल्या होत्या. त्यानुसार स्थानिक गुन्हे शाखेचे सहायक पोलीस निरीक्षक नितीन सावंत यांचे पथक नियुक्ती केले होते. त्यांचे पथक उमदी येथे गस्त घालत असताना सात जणांनी ही जबरी चोरी केली असल्याची माहिती मिळाली. त्यानुसार सुरुवातीला स्थानिक गुन्हे शाखेच्या पथकाने उमदी मधील रवी तुकाराम सनदी आणि कर्नाटकातील विजयपूर येथील अजय तुकाराम सनदी व चेतन लक्ष्मण पवार यांना उमदी ते विजयपूर रस्त्यावर अटक केली.
त्यांच्याकडे कसून चौकशी केली असता त्यानी अन्य चार संशितांच्या मदतीने ही चोरी केली असल्याची कबुली दिली. त्यानुसार पथकाने लालासाहेब हजरत होनवाड, आदिलशहा राज अहमद अत्तार, सुमित सिद्राम माने आणि साई सिद्धू जाधव यांना अटक केली. त्यांच्याकडून तब्बल अडीच कोटी रुपयांची रोकड जप्त करण्यात आलीये.
अटक करण्यात आलेल्या संशितांपैकी साई जाधव याचे वडील सिद्धू जाधव हा फिर्यादी अनिल कोडक यांच्या कारवर ड्रायव्हर म्हणून काम करीत आहे. फिर्यादी अनिल कोडग हे कोठे जाणार आहेत याबाबत लाईव्ह लोकेशन साई जाधव हा अन्य सहा संशयीतांना देत होता. त्यानुसार अनिल कोडक हे विजयपूर कडे जात असताना जत तालुक्यातील मोरबगी या गावाजवळ त्यांची कार अडवून लुटमार केली होती. परंतु प्रत्यक्षात अनिल कोडक यांनी तीन लाख रुपयांची चोरी झाल्याबाबत फिर्याद दिली होती. परंतु पोलिसांनी मात्र या प्रकरणात तब्बल अडीच कोटी रुपयांची रोकड जप्त केलीये. परंतु फिर्यादीची रक्कम आणि पकडण्यात आले रक्कम यामध्ये फार मोठी तफावत असल्याने पोलिसांनी याबाबत आयकर विभागाला देखील कळविले आहे. सापडण्यात आलेल्या रकमेची चौकशी करण्यासाठी पोलिसांनी सर्व संशयीतांना न्यायालयात हजर केले. न्यायालयाने सर्वांना सहा दिवसांची पोलीस कोठडी सुनावली आहे. त्यामुळे या संशयितांनी इतकी मोठी रक्कम कोठून आणली? फिर्यादी अनिल कोडग यांनी केवळ तीन लाखांची फिर्याद का दिली? तसेच यामध्ये अन्य कोणते संस्थेत सहभागी होते का? याचा देखील शोध आता सांगली पोलिसांना लावायचा आहे.
0 Comments