कोल्हापूर जिल्ह्यातील भोगावती सहकारी साखर कारखान्यातील आज सकाळी घडलेल्या दुर्घटनेने परिसरात हळहळ व्यक्त केली जात आहे. क्रेनवर मापे घेत असताना तोल जाऊन पडल्याने एका २५ वर्षीय कामगाराचा दुर्दैवी मृत्यू झाला आहे.
आज सकाळी सुमारे १२ वाजता, तो कारखान्यातील ऊस उचलणाऱ्या क्रेनवरून अंदाजे ४० फूट उंचावर मापे घेत असताना अचानक तोल जावून खाली पडला. ही घटना घडताच त्याच्या सहकाऱ्यांनी तत्काळ प्रतिसाद देत त्याला कोल्हापूरच्या शासकीय रुग्णालयात उपचारासाठी दाखल केले, मात्र डॉक्टरांनी त्याला आगमनापूर्वी मृत घोषित केले.
घटनेची माहिती मिळताच सी.पी.आर. पोलीस चौकीत नोंद घेण्यात आली असून, मृतदेहाचे शवविच्छेदन करण्यात आले आहे.
या अपघातानंतर कामगारांमध्ये भीतीचे वातावरण पसरले असून, कारखान्याच्या सुरक्षा व्यवस्थेबाबत अनेक प्रश्न उपस्थित होत आहेत.
कामगारांच्या सुरक्षिततेसाठी यंत्रसामुग्रीचा वापर करताना आवश्यक ती काळजी घेणे अत्यंत गरजेचे आहे, असे मत घटनास्थळी उपस्थित काही वरिष्ठांनी व्यक्त केले आहे.
0 Comments