सांगली शहरातील आंबेडकर रोडवर आज सकाळी जमखंडी-मुंबई एसटी बस (MH14 LX 5928) आणि जुपिटर दुचाकी (MH10 CJ 2457) यांच्यात भीषण अपघात झाला. या अपघातात दुचाकीवरील दोन जण गंभीर जखमी झाले आहेत.
प्रत्यक्षदर्शींनी दिलेल्या माहितीनुसार, जुपिटर दुचाकी आंबेडकर रोडने जात असताना समोरून भरधाव वेगात आलेली जमखंडी-मुंबई बसने जोरदार धडक दिली. धडकेनंतर दुचाकीवरील दोघे रस्त्यावर फेकले गेले. परिसरातील नागरिकांनी तत्काळ धाव घेत जखमींना शासकीय रुग्णालयात उपचारासाठी दाखल केले.
घटनास्थळी शहर पोलीस ठाण्याचे कर्मचारी दाखल झाले असून अपघाताची नोंद करण्यात आली आहे. अपघाताचे नेमके कारण स्पष्ट झाले नसले तरी वाहनांच्या गतीचा आणि रस्त्यावरच्या अरुंदतेचा संभाव्य कारणांमध्ये समावेश आहे, असे सांगितले जात आहे.
अपघातामुळे आंबेडकर रोडवर काही काळ वाहतूक विस्कळीत झाली होती. स्थानिक नागरिकांनी रस्त्यावरील वाहतूक नियंत्रणासाठी योग्य उपाययोजना करण्याची मागणी केली आहे.
0 Comments