"रंजीतसिंह मोहित पाटील यांच्यावर कारवाई का नाही? – बावनकुळे यांनी दिलं स्पष्ट उत्तर"

 भाजप प्रदेशाध्यक्ष चंद्रशेखर बावनकुळे यांनी नुकतीच पत्रकार परिषद घेत एका महत्त्वाच्या प्रश्नावर उत्तर दिलं. राष्ट्रवादी काँग्रेसच्या शरद पवार गटाचे नेते रंजीतसिंह मोहित पाटील यांच्यावर कारवाई का करण्यात आली नाही, असा प्रश्न त्यांना विचारण्यात आला होता. यावर बावनकुळे यांनी स्पष्ट भूमिका मांडली.

“कारवाई करण्यासाठी पुरावे आवश्यक असतात. भावनांवर आणि अफवांवर आधारित राजकारण आम्ही करत नाही. कोणी काय बोललं किंवा कुठे गेला यावरून कारवाई करायची असेल, तर अनेक पक्षांत अनेकजण सापडतील,” असं ठाम उत्तर बावनकुळे यांनी दिलं.

यावेळी बोलताना त्यांनी अप्रत्यक्षपणे विरोधकांवरही निशाणा साधला. “सत्तेची तहान लागली म्हणून कोणीही गढूळ पाणी प्यावं, असा आमचा पक्ष नाही. आम्ही जनतेच्या अपेक्षांवर उतरू पाहतोय. काही नेत्यांची वकूब आणि त्यांच्या कृतींवर वेळोवेळी जनतेने निर्णय दिला आहे,” असं ते म्हणाले.

दरम्यान, रंजीतसिंह मोहित पाटील भाजपमध्ये येणार की नाही, यावर चर्चांना उधाण आलं असताना बावनकुळे यांचं हे उत्तर राजकीयदृष्ट्या महत्त्वाचं मानलं जातं आहे.