अहमदाबाद | १२ जून २०२५
आज दुपारी एक भीषण आणि दुःखद दुर्घटना घडली. एअर इंडियाचे लंडन गॅटविककडे जाणारे AI-171 हे बोईंग 787-8 ड्रीमलायनर प्रकारचे विमान अहमदाबाद विमानतळावरून उड्डाण घेतल्यानंतर अवघ्या ९ मिनिटांतच मघानीनगर परिसरात कोसळले.
या विमानात एकूण २४२ प्रवासी व कर्मचारी होते. उड्डाणानंतर थोड्याच वेळात विमानाचा संपर्क कंट्रोल टॉवरशी तुटला आणि मघानीनगर परिसरात जोरात आवाज करत कोसळले. विमानाला आग लागल्याने आकाशात ज्वलंत धुराचे मोठे लोट पसरले. स्थानिक रहिवाशांनी बचावकार्य सुरू केले असून प्रशासन, NDRF, DGCA आणि भारतीय हवाई दलाचे पथक तत्काळ घटनास्थळी दाखल झाले.
विमानात १७० भारतीय, ५० ब्रिटिश, तसेच पोर्तुगाल आणि कॅनडाचे प्रवासी होते.
पायलट कॅप्टन सुमीत सभरवाल (८,२०० तासांचा अनुभव) आणि सह-पायलट क्लाईव कुंडर यांनी तांत्रिक अडचणीची माहिती कंट्रोल टॉवरला दिली होती. त्यानंतर संपर्क पूर्णपणे तुटला.
Boeing कंपनीकडून विशेष तपासणीसाठी तांत्रिक पथक भारतात रवाना झाले आहे.
भारताचे पंतप्रधान, गृहमंत्री, गुजरातचे मुख्यमंत्री भूपेंद्र पटेल, तसेच युकेचे पंतप्रधान केअर स्टार्मर यांनी या घटनेवर शोक व्यक्त केला आहे. ब्रिटनमध्ये मदत केंद्रही उघडण्यात आले आहे.
संपर्कासाठी महत्त्वाचे हॉटलाईन क्रमांक:
📞 प्रवासी माहिती: 1800-180-1407
📞 आपत्कालीन मदत: 112
ही दुर्घटना संपूर्ण देशाला हादरवणारी असून सर्व संबंधित यंत्रणा बचावकार्य व तपासात गुंतल्या आहेत.
(अधिकृत माहिती मिळताच बातमी अपडेट केली जाईल.)
0 Comments