सांगली, मिरज आणि कुपवाड शहर महानगरपालिकेच्या वतीने २१ जून रोजी जागतिक योग दिन वारकरी तालाच्या पार्श्वभूमीवर मोठ्या उत्साहात साजरा करण्यात आला. आयुक्त सत्यम गांधी यांच्या मार्गदर्शनाखाली आणि अतिरिक्त आयुक्त रविकांत अडसूळ यांच्या उपस्थितीत या उपक्रमाचे आयोजन करण्यात आले होते.
महानगरपालिकेच्या प्रमुख कार्यक्रमाचे आयोजन छत्रपती शिवाजी महाराज स्टेडियम, सांगली येथे करण्यात आले होते, तर अधिकारी-कर्मचाऱ्यांसाठीचा विशेष योग सत्र आप्पासाहेब बिरनाळे पब्लिक स्कूल, सांगली आणि मिरज हायस्कूल, मिरज येथे संपन्न झाले.
या पाऊण तासाच्या योग कार्यक्रमात महापालिकेचे अधिकारी, कर्मचारी, वैद्यकीय स्टाफ, शिक्षण मंडळ, अग्निशमन विभाग आदींनी सहभाग घेत योगासने आणि भक्‍तीयोग यांचा अनुभव घेतला.
यावेळी उपस्थित मान्यवरांमध्ये उपायुक्त स्मृती पाटील, विजया यादव, अश्विनी पाटील, तसेच शहर अभियंता पृथ्वीराज चव्हाण, क्रीडाधिकारी स्नेहांकित वरुटे, शिक्षण अधिकारी आकाश खेडकर, सहाय्यक आयुक्त सहदेव कावडे, जलनिसारण अभियंता चिदानंद कुरणे, आणि इतर अधिकारी व विभागप्रमुख यांचा समावेश होता.
महापालिकेचे ब्रँड अँबेसिडर दीपक चव्हाण, ज्योती सर्वदे, अमजद जेलर यांच्यासह भाजप नेत्या रूपाली अडसुळे आणि प्रेमा मालपाणी देखील या कार्यक्रमाला उपस्थित होत्या.
0 Comments